Amazon

 
 

செருப்பில் காந்தி படம் : அமேசான் அராஜகம்

தேசியக் கொடி நிறத்தில் மிதியடிகள் விற்பனை செய்து சர்ச்சையில் சிக்கிய அமேசான் நிறுவனத்தின் அமெரிக்க இணையதளத்தில் மகாத்மா காந்தியின் படத்துடன் கூடிய செருப்புக்கள் விற்பனைக்கு வைக்கப்பட்டிருந்தது அதிர்ச்சியை ஏற்படுத்தியுள்ளது. ஆன்லைன் வர்த்தகத்தில் முன்னணியில் உள்ள அமேசான் நிறுவனத்தின் கனடா இணையத்தில் இந்திய தேசியக்கொடியின் நிறத்தில் மிதியடிகள் விற்பனைக்கு வைக்கப்பட்டது சர்ச்சையை ஏற்படுத்தியது. இந்த சம்பவத்துக்கு வெளியுறவுத்துறை அமைச்சர் சுஷ்மா சுவராஜ் கடும் கண்டமும், எச்சரிக்கையும் விடுத்தார். இதையடுத்து அந்த பொருட்களை இணையத்தில் இருந்து நீக்கிய அமேசான் நிறுவனம், அதற்காக வருத்தமும் தெரிவித்தது. இந்தநிலையில் அமேசான் நிறுவனத்தின் அமெரிக்க இணையதளத்தில் மகாத்மா கந்தியின் உருவம் அச்சிடப்பட்ட காலணிகள் விற்பனைக்கு வைக்கப்பட்ட சம்பவம் புதிய சர்ச்சையை ஏற்படுத்தியுள்ளது. இதற்கு பல தரப்பிலும் எதிர்ப்புக்கள் கிளம்பினாலும், அமேசான் நிறுவனம் இதுவரை பதில் ஏதும் அளிக்கவில்லை.


இந்திய தேசியக் கொடி பதித்த மிதியடி விற்பனை -அமேசான்

இந்திய தேசியக் கொடி பதித்த மிதியடி. மன்னிப்பு கேட்டது அமேசான் அமேசான் இணையதளத்தில் இந்திய தேசியக் கொடி பதித்த மிதியடி விற்பனை செய்வதாகக் கூறப்பட்டிருந்த இணைப்பு தற்போது நீக்கப்பட்டுள்ளது. பிரபல ஆன்லைன் வர்த்தக நிறுவனமான, அமேசான் பல்வேறு தரப்பட்ட பொருட்களை இந்தியா உள்பட உலகம் முழுவதும் விற்பனை செய்துவருகிறது. இந்நிலையில், அமேசான் இணையதளத்தில் இந்திய தேசியக் கொடி பதித்த மிதியடி விற்பனை செய்யப்படுவதாக, சில நாட்கள் முன்பாக விளம்பரம் வெளியிடப்பட்டது. அமேசானின் கனடா பிரிவு தளத்தில் இந்த விளம்பர இணைப்பு தரப்பட்டது. அந்த மிதியடி பார்ப்பதற்கு, இந்திய தேசியக் கொடியைப் போலவே அச்சு அசலாகக் காட்சியளித்தது. இதையடுத்து, பல தரப்பிலும் கடும் கண்டனம் தெரிவிக்கப்பட்டது. குறிப்பாக, இந்திய வெளியுறவு அமைச்சர் சுஷ்மா ஸ்வராஜ், அமேசான் நிறுவனம் நிபந்தனையற்ற மன்னிப்பு கோர வேண்டும் என வலியுறுத்தினார். இல்லாவிட்டால், அமேசான்Read More