பாசிப்பருப்பு பாயாசம்

சுவையான பாசிப்பருப்பு பாயாசம் செய்யும் முறை 
தேவையான பொருட்கள் :
பாசிப்பருப்பு – 200 கிராம்

அச்சு வெல்லம் – 150 கிராம்

பால் – 200 மிலி

முந்திரி – 10

உலர் திராட்சை – 10

ஏலக்காய் – 2

தேங்காய் துருவல் – 1 கப்

நெய் – 4 ஸ்பூன்
செய்முறை :
* வாணலியில் சிறிதளவு நெய் ஊற்றி பாசிப்பருப்பை பொன்நிறமாக வறுத்த பின் குக்கரில் போட்டு குழைய வேக விடவும். 

* வெல்லத்தை தூள் செய்து, ஒரு கப் தண்ணீரில் கரைத்து, வடிகட்டி, வேகவைத்த பாசிப்பருப்புடன் சேர்க்கவும். 
* அதனுடன் பால் சேர்த்து மிதமான தீயில் கொதிக்க விடவும்.
* நெய்யில் முந்திரி, உலர் திராட்சை எல்லாவற்றையும் வறுத்து நெய்யோடு சேர்த்து, கொதிக்கும் பாயசத்தில் கொட்டவும்.
* ஏலக்காயை தூளாக்கி அதனோடு சேர்க்கவும். 
* கடைசியில் தேங்காய் பூவை லேசாக நெய்யில் வறுத்து சேர்த்த பின்னர் பாயசத்தை இறக்கவும். 
* சுவையான சத்தான பாசிப்பருப்பு பாயாசம் தயார்.

Leave a Reply