ஜவ்வரிசி அடை

சுவையான சத்தான ஜவ்வரிசி அடை
ஜவ்வரிசியில் பாயாசம் மட்டுமல்ல அடை செய்யலாம். இதை எப்படி செய்வது என்று பார்க்கலாம்.
தேவையான பொருட்கள் :
ஜவ்வரிசி – ஒரு கப், 

பொட்டுக்கடலை – அரை கப் (மாவாக அரைக்கவும்), 

அரிசி மாவு, கேரட் துருவல் – தலா அரை கப், 

வெங்காயம் – 4, 

இஞ்சி, பச்சை மிளகாய் – தேவையான அளவு, 

தேங்காய் துருவல் – தேவைக்கு

எண்ணெய் – தேவைக்கு 

உப்பு – தேவையான அளவு.
செய்முறை :
* இஞ்சி, ப.மிளகாய், வெங்காயத்தை பொடியாக நறுக்கி கொள்ளவும்.
* ஜவ்வரிசியை முதல் நாள் ஊற வைத்து, மறுநாள் பிழிந்து எடுத்துக் கொள்ளவும். 
* ஒரு பாத்திரத்தில் ஜவ்வரிசியுடன், பொட்டுக்கடலை, அரிசி மாவு, கேரட் துருவல், வெங்காயம், இஞ்சி, ப.மிளகாய், தேங்காய் துருவல், உப்பு சேர்த்து தண்ணீர் ஊற்றாமல் கொட்டிய பிசைந்து வைக்கவும். 
* தோசைக்கல்லை அடுப்பில் வைத்து சூடானதும் மாவை அடை போல மெல்லியதாக தட்டி, சுற்றிலும் எண்ணெய் விட்டு பொன்னிறமாக எடுக்கவும்.
* இதை வெல்லம் அல்லது ஏதாவது ஒரு சட்னியுடன் சாப்பிடலாம்.

Leave a Reply