கோதுமை ரவா இட்லி

சுவையான சத்தான ஓட்ஸ் கோதுமை ரவா இட்லி

தேவையான பொருட்கள் :
கோதுமை ரவை – 500 கிராம்

ஓட்ஸ் – 200 கிராம்

சிவப்பு அவல் – 50 கிராம்

எண்ணெய் – ஒரு டேபிள்ஸ்பூன்

கடுகு – அரை டீஸ்பூன்

உளுத்தம்பருப்பு – இரண்டு டீஸ்பூன்

கடலைப்பருப்பு – இரண்டு டீஸ்பூன்

முந்திரி – 15

கொத்தமல்லித்தழை – 20 கிராம்

துருவிய கேரட் – 50 கிராம்

உப்பு – ஒரு டீஸ்பூன்

சோடா உப்பு – ஒரு டீஸ்பூன்

தண்ணீர் – 250 மில்லி லிட்டர்
செய்முறை:
* அவலை நன்றாகக் கழுவி, 10 நிமிடம் ஊற வைத்து தண்ணீரை வடித்துக் கொள்ளவும். 
* வாணலியில் எண்ணெய் ஊற்றி சூடானதும் கடுகு, உளுத்தம்பருப்பு, கடலைப்பருப்பு, முந்திரியைச் சேர்த்து பொன்னிறமாக வறுத்துக்கொள்ளவும். 
* மற்றொரு வாணலியில் கோதுமை ரவையை போட்டு வறுத்துக் கொள்ளவும். 
* ஊற வைத்த அவல், ஓட்ஸ், வறுத்து வைத்திருக்கும் ரவை, பொன்னிறமாக வறுத்த பருப்புகளுடன் சிறிது தண்ணீர் சேர்த்து இட்லி மாவு பதத்துக்கு கரைத்துக் கொள்ளவும். 
* இத்துடன் உப்பு, சோடா உப்பு, துருவிய கேரட், கொத்தமல்லித்தழை சேர்த்து நன்றாகக் கலக்கி அரை மணிநேரம் அப்படியே வைக்கவும்.
* இட்லி சட்டியை அடுப்பில் வைத்து தண்ணீர் ஊற்றி சூடானதும் இட்லி தட்டில் கரைத்து வைத்த மாவை ஊற்றி 8 நிமிடங்கள் வேகவிட்டு எடுக்கவும். 
* சுவையான சத்தான ஓட்ஸ் கோதுமை ரவா இட்லி ரெடி.
* இட்லியுடன் தக்காளி சட்னி அல்லது புதினா சட்னியைச் சேர்த்து பரிமாறவும்.

Leave a Reply