காஞ்சிபுரம் இட்லி

காஞ்சிபுரம் இட்லியை வீட்டிலேயே எளிய முறையில் செய்யலாம். எப்படி செய்வது என்று கீழே பார்க்கலாம். 
தேவையான பொருட்கள் :
புழுங்கலரிசி – ஒரு கப்,

பச்சரிசி – ஒரு கப்,

உளுத்தம் பருப்பு – ஒரு கப்,

நல்லெண்ணெய் – ஒரு டேபிள்ஸ்பூன்,

சுக்குத்தூள் – கால் ஸ்பூன்,

உப்பு – தேவையான அளவு,

ஆப்பசோடா – ஒரு சிட்டிகை.
தாளிக்க :
கடுகு – அரை ஸ்பூன்,

உளுத்தம்பருப்பு – ஒரு ஸ்பூன்,

கடலைப் பருப்பு – 2 ஸ்பூன்,

மிளகு – ஒரு ஸ்பூன்,

சீரகம் – ஒரு ஸ்பூன்

தேங்காய் துருவல் – 2 டேபிள்ஸ்பூன்,

கறிவேப்பிலை – சிறிது,

பெருங்காயம் – அரை  ஸ்பூன்,

எண்ணெய் – 2 டேபிள் ஸ்பூன்,

இஞ்சி – ஒரு துண்டு.
செய்முறை :
* மிளகு, சீரகத்தை கரகரப்பாக பொடித்து கொள்ளவும்.
* இஞ்சியை தோல் சீவி துருவிக்கொள்ளவும்.
* அரிசி, பருப்பை ஒன்றாக 2 மணி நேரம் ஊறவையுங்கள். ஊறிய பின்னர், நன்கு கழுவி, சற்றுக் கரகரப்பாக அரைத்தெடுங்கள். தேவையான உப்பு சேர்த்துக் கரைத்துப் புளிக்க வையுங்கள். புளித்த மாவில் சுக்குத்தூள், ஆப்பசோடா சேர்த்துக் கலந்துகொள்ளுங்கள்.

நல்லெண்ணெயைக் காய்ச்சி அதில் ஊற்றுங்கள்.
* கடாயில் எண்ணெயைக் காயவைத்து, கடுகு, உளுத்தம்பருப்பு, கடலைப்பருப்பு தாளித்து பொன்னிறமானதும் மிளகு, சீரகம், இஞ்சி, கறிவேப்பிலை சேர்த்து வதக்கி மாவில் சேர்த்து நன்றாக கலக்க வேண்டும்.
* கலந்த மாவை சிறிய கிண்ணங்களில் நிரப்பி, இட்லி பாத்திரத்தில் வைத்து வேக வைத்து எடுக்கவும்.
* சுவையான சத்தான காஞ்சிபுரம் இட்லி ரெடி.

Leave a Reply