​கர்ப்பிணிகளுக்கான பயனுள்ள தகவல்கள்

🌿🌿🌿🌿🌿🌿🌿

ஒரு பெண்ணின் உள்ளே ஒரு குழந்தை வளர்ந்து வந்து, அதை ஈன்றெடுக்கும் நிலை தான் கர்ப்பம் எனப்படும். குழந்தை உருவாகின்ற இந்த நிலை ஒன்பது மாதங்களுக்கு நீடிக்கும்.
கர்ப்பகாலத்தின் முதல் மூன்று மாதங்களில், பெண்கள் தங்களை கவனமாக பார்த்துக் கொள்வது முக்கியம். ஏனெனில் இந்த நேரத்தில் தான் கருச்சிதைவுக்கான‌ வாய்ப்புகள் அதிகம் உள்ளது. அதுமட்டுமின்றி கர்ப்பிணிகள், முதல் மூன்று மாதங்களில் அதிகபட்ச ஓய்வு எடுக்க வேண்டும். கர்ப்பத்தின் போது பெண்களின் உடல் பல மாற்றங்களுக்கு உள்ளாகிறது என்பதால், அவை மிக கடினமான மாதங்கள் ஆகின்றன.
இப்போது கர்ப்பம் பற்றிய பயனுள்ள சில முக்கியமான தகவல்கள் கீழே கொடுக்கப்பட்டுள்ளன. அவை என்னவென்று படித்து பார்த்து, அதனை பின்பற்றி, நல்ல படியாக குழந்தையை பெற்றெடுங்கள்.
உணவுப் பழக்கம் 

கர்ப்பிணிகளுக்கு ஆரோக்கியமான உணவு பழக்கம் இருக்க வேண்டியது மிகவும் முக்கியம். அதிலும் உட்கொள்ளும் சரியான ஊட்டச்சத்தும் மிகவும் முக்கியம். ஏனெனில் கர்ப்பமாக இருக்கும் பெண் என்ன சாப்பிடுகிறாளோ அதுதான் குழந்தைக்கும் செல்லும்.
உடற்பயிற்சி 

கர்ப்பமாக இருக்கும் பெண்கள் தினமும் உடற்பயிற்சி செய்வதால் பல நன்மைகள் உள்ளன. அதுவும் முதல் மூன்று மாதங்களில் தொடர்ச்சியாக உடற்பயிற்சி செய்வது, கருச்சிதைவு ஏற்படும் வாய்ப்புகளை குறைக்கிறது. மேலும் கர்ப்ப காலத்தில் ஒரு பெண்ணின் எடை அதிகரிப்பதைக் கட்டுப்பாட்டில் வைக்கிறது.
🌿

புகைப்பதோ அல்லது மது அருந்துவதோ கூடாது 

ஒரு கர்ப்பிணிப் பெண் புகைப்பதோ அல்லது மது அருந்துவதோ கூடாது. இந்த இர‌ண்டும் குழந்தைக்கு மிகவும் ஆபத்தானவை. ஒரு கர்ப்பிணிப் பெண் உட்கொள்ளும் மது குழந்தைக்கு செல்கிறது. அது குழந்தைக்கு கடுமையான சேதம் விளைவிக்கும். குறிப்பாக இதனால் குழந்தைக்குப் பிறப்பிலேயே குறைபாடுகள் ஏற்படலாம். ஆகவே நன்கு விழிப்புடன் இருக்க வேண்டும்.
அனுபவத்தை கேட்பது 

சம வயது நண்பர்கள் மற்றும் உறவினர்கள் மத்தியில் பெற்றோர்களாக யாராவது இருந்தால், அவர்களின் அனுபவங்களை பற்றி அவர்களுடன் பேசவும். இதனால் தெரியாத பல விஷயங்கள் தெரிய வரும்.
மருந்துகள் எடுத்து கொள்ள கூடாது 

பொதுவாக கர்ப்பிணிகளுக்கு குமட்டல், வாந்தி, சோர்வு போன்றவை இருப்பது இயற்கை. இதற்காக மருந்துகள் எடுத்துக் கொள்ள கூடாது. அதற்கு பதிலாக இயற்கை தீர்வு பெற‌ முயற்சிக்க வேண்டும்.
நிறைய தண்ணீர் குடிக்கவும் 

அதிக நீர் உட்கொள்வது முக்கியம். தினமும் குறைந்தது ஆறு முதல் எட்டு டம்ளர் தண்ணீர் குடிக்க வேண்டும்.
நீச்சல் செய்யவும் 

கர்ப்பக் காலத்தில் வலிகள் நிறைய இருப்பதால், நீச்சல் உகந்த‌து. ஏனெனில் நீச்சல் செய்வதால் வலியின்றி இருப்பதோடு, உடல் பாரமும் தெரியாமல் இருக்கும்.
காரமான அல்லது வறுத்த உணவு தவிர்க்கவும் 

கர்ப்ப காலத்தில் நெஞ்செரிச்சல் போன்ற சிக்கல்கள் இருந்தால், வறுத்த மற்றும் காரமான உணவு உட்கொள்வதை தவிர்க்க வேண்டும்.
உயர்த்தப்பட்ட தலையணைகள் வைத்துத் தூங்கவும் 

ஒரு கர்ப்பிணிப் பெண் சற்றே உயர்ந்த தலையணைகள் வைத்துத் தூங்க வேண்டும். அதற்காக கர்ப்பிணி பெண்களுக்கு எனக் கிடைக்கும் சிறப்பு மெத்தை வாங்க முடியும் என்றால் வாங்கி பயன்படுத்துவது நல்லது. இல்லையெனில், இரண்டு தலையணைகள் வைத்து உயர்வான நிலையில் தூங்குவது மிகவும் வசதியாக இருக்கும்.

போட்டோ 

போட்டோக்கள் சிறந்த நினைவுச் சின்னங்கள் ஆகும். ஆகவே கர்ப்ப காலத்தில் பல படங்கள் எடுத்துப் பின்னர் அவற்றை ஆல்பம் போன்று செய்து நினைவாக வைத்து, எதிர்காலத்தில் பார்த்து மகிழலாம்.
நல்ல புத்தகங்கள் படிக்கவும் 

ஒரு கர்ப்பிணிப் பெண் நல்ல நேர்மறையான புத்தகங்களைப் படிக்க வேண்டும். அதிலும் புத்தகங்கள் நிறைய படிக்கும் பழக்கம் இருந்தால், கர்ப்ப காலத்தில் சோகமானப் புத்தகங்கள் படிப்பதைத் தவிர்க்கவும். அதற்கு பதிலாக, பிரசவம் மற்றும் குழந்தைகள் பற்றிய‌ புத்தகங்களை வாசிக்கவும். இல்லையெனில் கர்ப்பம் பற்றிய பல்வேறு புத்தகங்களை படிக்கலாம். இதனால் தெரியாத பல விஷயங்கள் தெரிய வரும்.
பெற்றோருடன் பேசவும் 

பெற்றோர்களின் அனுபவத்தைப் பகிர்ந்து கொள்ளவும். அவர்கள் உங்களுக்குத் தெரியாத பல‌ விஷயங்களை சொல்வர். அவர்கள் பல கதைகளைப் பற்றிச் சொல்வார்கள். அவர்கள் நீங்கள் குழந்தையாக‌ எப்படி இருந்தீர்கள் என்று சொல்வார்கள். ஆகவே அவர்களிடம் இருந்துக் கேட்டுக் கற்கவும். கர்ப்ப காலத்தில் ஒரு பெண் தொற்றுநோய் பெறுவதன் வாய்ப்பு அதிகம். இது இன்னும் பலவீனமாக உணர வைக்கும். அதனால், சுற்று வட்டாரத்தை அழகாகவும், சுத்தமாகவும் வைத்து, கர்ப்ப காலத்தை மகிழ்ச்சியாகக் களிக்கவும்.

🌿

உடல் எடையைக் கட்டுக்குள் பராமரித்தல் 

கர்ப்ப காலத்தில், கட்டுப்பாடான உணவு முறையைப் பின்பற்ற முடியாது. அதனால் உடல் எடையை கட்டுக்குள் பேண முடியாது என்று பொருளல்ல. பிலேட்ஸ் என்னும் உடற்பயிற்சி முறையால் கர்ப்பிணிப் பெண்கள் உடல் எடையைக் கட்டுக்குள் பராமரிக்க முடியும்.
உடல் களைப்படைதலை தடுத்தல் 

மூவ்மெண்ட் பிலேட்ஸ் (Movement Pilates) என்னும் உடற்பயிற்சி முறையால் உடல் சக்தியைப் பாதுகாப்பாக பேண முடியும். கர்ப்ப காலத்தில், உடல் களைப்படைதலைத் தவிர்க்க உடல் சக்தி மிக அவசியம்.
கால் சதைப் பிடிப்பு, கால் வீக்கத்தை குறைத்தல் 

பிலேட்ஸ் என்னும் உடற்பயிற்சி மேற்கொள்ளும் போது செய்யும் கால் அசைவுகள், இரத்த ஓட்டத்தை மேம்படுத்தும். பெரிய தசைகளுக்கும். கணுக்கால் தசைகளுக்கும் பிலேட்ஸ் பயிற்சி அளிக்கிறது. மேலும் இந்த உடற்பயிற்சி உடலில இரத்த ஓட்டம் சீராகப் பாய்ந்து கால் சதைப் பிடிப்பு, கால் வீக்கம் ஆகியவற்றை சரிசெய்து இயல்பாக்குகிறது.

உடல் தோற்ற நிலையைப் பேணுதல் 

கர்ப்ப காலத்தில் உடல் தோற்ற நிலை பலவாறு மாறுபாடு அடைகிறது. பெரிதாகும் வயிறு, மொத்த உடல் எடையையும், ஒரே இடத்தில் குவித்து தாங்கச் செய்கிறது. இதனால், உடல் தசைகள் மற்றும் எலும்பு மூட்டுக்களில், குறிப்பிடத்தக்க விளைவுகளை ஏற்படுத்துகிறது. பிலேட்ஸ் என்னும் உடற்பயிற்சி மேற்கொள்ளும் போது, உடல் தோற்ற நிலையை சரிசெய்து, உடல் வலிகள் எதுவும் வராமல் தடுக்கிறது.
உடல் வடிவமைப்பைப் பாதுகாத்தல் 

கர்ப்ப காலத்தில் உடல் குண்டாவதை சில பெண்கள் விரும்புவதில்லை. இக்கவலை பிலேட்ஸ் பயிற்சியினால் நிவர்த்தியாகிவிடும். கர்ப்ப காலம் முடிந்ததும், தசைகள் தளர்ந்து விடும். எனவே கர்ப்ப காலத்திலும், குழந்தை பிறந்த பிறகும், தசைகளுக்கான பயிற்சிகளைச் செய்து வர வேண்டும். இப்படிச் செய்து வந்தால், கர்ப்பமாவதற்கு முன் இருந்த உடல் வடிவமைப்பை மீண்டும் பெறலாம்.

வலியிலிருந்து நிவாரணம் அளித்தல் 

வயிற்றுக்குள் குழந்தை வளர வளர, வயிறு பெரிதாகிக் கொண்டே இருக்கும். இதனால் இடுப்பின் அதிகமான பகுதி குழந்தையின் எடையைத் தாங்க வேண்டியுள்ளது. இதனால், பின்புற இடுப்பானது வலியை உணர ஆரம்பிக்கும். அடிவயிற்றுக்கு வலிமை சேர்க்கும். ஆனால் இந்த பிலேட்ஸ் பயிற்சியை செய்வதினால், பின்புற இடுப்பிற்கு சுமையைக் குறைத்து வலி நிவாரணம் அளிக்கிறது.
இயல்பான சுபாவத்தைப் பேணுதல் 

கர்ப்ப காலத்தில் மூச்சு விடுதல், நடத்தல் ஆகியவை கடினமாகின்றன. தினப்படியான செயல்கள் செய்வது கடினமாகி, இடையூறு ஏற்பட்டு, மனதின் இயல்பான சுபாவத்திற்கு கேடு விளைவிக்கிறது. பிலேட்ஸ் பயிற்சிகள் நரம்புகளை சுறுசுறுப்பாக வைத்திருக்கின்றன. பிலேட்ஸ் பயிற்சிகளால், உடலுக்குத் தேவையான சக்தி சீராக உடலுக்கு வழங்கப்பட்டு, சுக பிரசவத்திற்கு தயாராக வைத்திருக்கிறது.
தூக்கத்தின் தரத்தை மேம்படுத்துதல் 

கர்ப்ப காலத்தின் மூன்றாவது பகுதியில் (third trimester) கர்ப்பிணிப் பெண்கள் வசதியான தூங்கும் முறையைத் தேர்ந்தெடுக்க மிகவும் சிரமப்படுவார்கள். எப்படிப் படுத்தாலும் அது வசதியாக இருக்காது. பிலேட்ஸ் பயிற்சிகள் மூச்சு விடும் முறைகள் மற்றும் இரத்த ஓட்டத்தினை சீராக்கி, வசதியாகவும் ரிலாக்ஸாகவும் உணர வைத்து, தூக்கத்தின் தரத்தை மேம்படுத்துகிறது.
பிரசவத்திற்குப் பின் மன இறுக்கத்தைக் குறைத்தல் 

ஒன்பது மாத கர்ப்ப காலமும், குழந்தை பிறப்பும், தாய்மார்களின் உடல் சக்தியை எல்லாம் உறிஞ்சி உடலைத் துவளச் செய்துவிடுகிறது. உடல் கட்டமைப்பைப் பேணாது விட்டுவிட்டால், கர்ப்பம் முதல் குழந்தைப் பேறு வரை தாய்மார்கள் களைப்பு ஒன்றைத் தான் அனுபவிப்பார்கள். கர்ப்ப காலத்தில் மேற்கொள்ளும் மூவ்மெண்ட் பிலேட்ஸ் என்னும் பயிற்சி, உடலை சுறுசுறுப்பாகவும், விசையோடு இயங்கவும் உதவும். கர்ப்ப காலத்தில் உரிய பயிற்சிகளை மேற்கொண்டு, உடல் தகுதியாக இருக்கும் வகையில் பேணி வந்தால், பிள்ளைப் பேறு எளிதாக இருப்பதோடு, குழந்தை பிறந்த பின்னரும், குழந்தையை பராமரிக்க ஏதுவான உடல் மற்றும் மன நிலையைப் பெறலாம்.

Leave a Reply