உடல் உறுப்புகளின் சீனக் கடிகாரம்

சீன தேசத்தில் தோன்றிய அக்குபஞ்சர் மருத்துவத்தில் கூறியபடி மனித உடலில் உள்ள முக்கியமான 12 உறுப்புகளில் ஒவ்வொரு உறுப்பும் 2 மணி நேரம் அதனுடைய உயிர்ச்சக்தி ஓட்டத்தின் உச்சக்கட்டத்தில் இருக்கும்.

ஒரு மனிதனின் உடல் நிலை நன்றாகவோ அல்லது நோய்வாய்ப்படுவதோ இந்த உயிர்ச்சக்தி ஓட்டத்தின் தன்மையைப் பொறுத்தே அமைகிறது.

நுரையீரல் : அதிகாலை 3-5 மணி
இந்நேரத்தில் எழுவது உடல் நலத்திற்கு நன்று. யோகம், தியானப் பயிற்சிகளுக்கு உகந்தது.

பெருங்குடல் : காலை 5-7
இந்நேரத்தில் எழுபவர்களுக்கு மலச்சிக்கல் இராது மலம் கழித்து குளிர்ந்த நீரில் குளிக்க வேண்டும்.

இரைப்பை ; காலை 7-9
கண்டிப்பாக இந்நேரத்தில் காலை உணவு முடித்திருக்க வேண்டும்.

மண்ணீரல் : காலை 9-11 மணி
மிகச் சிறிய சிற்றுண்டியோ, பானங்களோ இந்நேரத்தில் அருந்தக் கூடாது.

இருதயம் : நண்பகல் 11-1 மணி
கடினமான வேலை ஏதும் செய்யாமல் தண்ணீர் மட்டும் குடித்து உடலை சாந்தப்படுத்திக் கொள்ளலாம்.

சிறுகுடல் : பிற்பகல் 1-3 மணி
மதிய உணவு முடித்துச் சில நிமிடங்கள் கண்களை மூடி ஓய்வு எடுக்கலாம். படுத்து உறங்குவதைத் தவிர்க்க வேண்டும்.

சிறுநீர்ப்பை : பிற்பகல் 3-5
பானங்களோ, தண்ணீரோ அருந்த உகந்த நேரம்.

சிறுநீரகம் : மாலை 5-7
வழக்கமான வேலையிலிருந்து விடுபட்டு இரவுக்கு முன்பாக வீடு வந்து சேர வேண்டும்.

இருதய மேலுறை : இரவு 7-9 மணி
இரவு உணவு முடித்திருக்க வேண்டும்.

மூன்று வெப்பமூட்டி(முக்குழிப்பாதை) : இரவு 9-11 மணி
ஓய்வு தரவேண்டிய நேரம். இதற்குப் பின் கண்விழித்திருக்கவோ, படிப்பதோ கூடாது.

பித்தப்பை : நடுநிசி 11-1 மணி
கண்டிப்பாக தூங்கிக் கொண்டு இருக்க வேண்டும்.

கல்லீரல் : அதிகாலை 1-3 மணி
ஆழ்ந்த நித்திரையில் இருக்க வேண்டும். விழித்திருந்தால் பார்வை சக்தி குறையும். உறக்கம் பாதிக்கும். உடல் அரிப்பு நமச்சல் அதிகரிக்கும்.

Leave a Reply